نظام يرتّب سنتك.. ويفكّرك بكل مراجعة

على الموبايل والتابلت واللاب، من المتصفح. الصفحات متظبّطة تتقرا بالطول والعرض. الحساب بيشتغل على لحد جهازين في نفس الوقت، ولو دخلت من جهاز زيادة أقدم جهاز بيتقفل.

أيوه. فيه عيّنة مجانية (فصل كامل وأسبوع من دفتر السنة)، والاختبار نفسه ببلاش.

أيوه، لو إنت فعّلتها: إشعارات المتصفح بتفكّرك بمراجعات النهارده في الساعة اللي تختارها، وتقدر توقفها وقت ما تحب. مفيش إشعارات قبل ٧ الصبح ولا بعد ١٠ بالليل. على الآيفون لازم تضيف الموقع للشاشة الرئيسية الأول.

كل صفحة عليها علامة: «اكتب فيها» يعني بتكتب، و«اتعلم منها» يعني بتقرا وبس. وزرار «؟» بيفتح «طريقة الاستخدام» في ٣ خطوات، وفيه جولة قصيرة أول ما تفتح، وشرايح بتشرح كل حاجة.

أيوه. التابلت بالطول أو بالعرض مريح جدًا للقراءة والكتابة في دفتر السنة.

أيوه، تقدر تطبع أسبوع أسبوع، وبيطلع على الصفحات اسمك كعلامة مائية. الطباعة للاستخدام الشخصي.

الاتنين. الدليل عن طريقة المذاكرة نفسها، وفيه تدريب مخصوص لكل مادة. ومبيشرحش المنهج ولا بيغني عن الشرح أو الملزمة.

بتحويل على إنستاباي أو فودافون كاش. الرقم بيظهرلك في فورم الاشتراك في نفس صفحة السعر، وبعد التحويل بترفع صورته في نفس الفورم. لو الدفع الأونلاين اتفعّل، هتلاقيه اختيار هناك كمان.

في التحويل لأ: بنراجع إن الفلوس وصلت ونفعّل حسابك بإيدينا (من 10 الصبح لـ 10 بالليل). وأول ما يتفعّل بتوصلك بيانات الدخول (الإيميل وكلمة السر) على إيميلك وواتساب، وتقدر تتابع حالة طلبك من اللينك اللي بيظهرلك بعد الإرسال. لو اتأخّرنا، كلّمنا على واتساب أو من صفحة التواصل وهنساعدك.

الوصول سنة كاملة من يوم التفعيل. مفيش تمديد تلقائي لسنة تانية. لو فيه تجديد، هنعلن طريقته ومواعيده وقتها.

لأن دليل المذاكرة ودفتر السنة محتوى رقمي بيتفتح أول ما الحساب يتفعّل، مفيش استرجاع للمبلغ بعد التفعيل. لو دفعت ومستلمتش كود التفعيل، أو الكود مشتغلش، كلّمنا وهنحلّها أو نرجّعلك فلوسك كاملة.

على حسابك تلقائي وعلى جهازك. ولو حاجة اتمسحت بالغلط، فيه نسخة يومية من إجاباتك لآخر ١٤ يوم ترجع لها من «حسابي»، وتقدر كمان تحفظ نسخة في ملف عندك.

لأ، ومحدش يقدر يضمن ده بصدق. اللي بنقدّمه نظام يساعدك تذاكر بطريقة أفضل، والنتيجة بتعتمد على مجهودك وظروفك.

بنطلب أقل بيانات لازمة، ومبنبيعهاش ولا بنشاركها لغرض تجاري. الاختبار نفسه مبيسجّلش إجاباتك، وسيب بياناتك فيه اختياري ومحتاج موافقتك. التفاصيل في سياسة الخصوصية.